புஸ்தகாவில் என் முதல் மின்னூல் . ”பெண்மொழி”

புஸ்தகாவில் என் முதல் மின்னூல் . ”பெண்மொழி”
புஸ்தகாவில் என் முதல் மின்னூல் . ”பெண்மொழி”

செவ்வாய், 31 ஜனவரி, 2017

சன்னா பகோடா - CHANNA BAKODA.

சன்னா பகோடா :-

தேவையானவை:- வெள்ளைக் கொண்டைக் கடலை – 1 கப், சீரகம் – அரை டீஸ்பூன், இஞ்சி – 1 இன்ச் துண்டு, பச்சை மிளகாய் – 1, மிளகாய்த்தூள் – கால் டீஸ்பூன், பெருங்காயம் – 1 சிட்டிகை, கொத்துமல்லித்தழை – சிறிது, உப்பு – கால் டீஸ்பூன், எண்ணெய் – பொரிக்கத் தேவையான அளவு.

செய்முறை:- வெள்ளைக் கொண்டைக் கடலையை 8 மணி நேரம் ஊறவைக்கவும். ஊறியதும் நீரை வடித்து சீரகம் இஞ்சி பச்சை மிளகாய் சேர்த்து கெட்டியாக கொரகொரப்பாக மிக்ஸியில் அரைக்கவும். இதில் மிளகாய்த்தூள், பெருங்காயத்தூள், பொடியாக அரிந்த கொத்துமல்லித்தழைபோட்டுப் பிசைந்து எண்ணெயைக்காயவைத்து பகோடாக்களாகப் பொரித்து எடுத்து நிவேதிக்கவும்.

கவுனரிசி லட்டு:- KAVUNARISI LADDU.

கிருஷ்ணர்

கவுனரிசி லட்டு:-

தேவையானவை:- கவுனரிசி மாவு – 1 கப், பொட்டுக்கடலை மாவு -1 கப், பாதாம் பொடி – அரை கப் , தூள் வெல்லம் – ஒன்றரை கப், நெய் – அரை கப், ஏலப்பொடி – ஒரு சிட்டிகை, முந்திரி 10.

செய்முறை:- முந்திரியை நெய்யில் வறுத்து வைக்கவும். சிறிது நெய்யில் கவுனரிசி மாவை வாசம் வரும்வரை வறுக்கவும். அடுப்பை அணைத்து சூட்டிலேயே பொட்டுக்கடலை மாவு, பாதாம் பொடி, தூள் வெல்லத்தைச் சேர்க்கவும். ஏலப்பொடி போட்டு நெய்யை உருக்கி ஊற்றி லட்டுகளாக உருண்டைகள் பிடிக்கவும்.

திங்கள், 30 ஜனவரி, 2017

சிறுதானிய அப்பம்:- SIRUDHANYA APPAM,

சிறுதானிய அப்பம்:-

தேவையானவை:- வரகு, சாமை, தினை , கம்பு, கேழ்வரகு மாவு – தலா கால் கப், வெல்லம் – 1 கப், ஏலத்தூள் – 1 சிட்டிகை, தேங்காய்த் துருவல் – 1 டேபிள் ஸ்பூன், எண்ணெய் –பொரிக்கத் தேவையான அளவு.

செய்முறை: எல்லா மாவையும் லேசாக வறுத்து ஏலத்தூள் தேங்காய்த்துருவல் சேர்த்துக் கலக்கவும். வெல்லத்தைப் பாகு வைத்து மாவில் ஊற்றி தோசை மாவு பதத்தில் கரைக்கவும். சிறிது நேரம் ஊறியபின் எண்ணெயைக் காயவைத்து அப்பங்களாக ஊற்றி நிவேதிக்கவும்.

ஞாயிறு, 29 ஜனவரி, 2017

அமிர்த கலசம்:- AMIRTHA KALASAM.

பெருமாள்


அமிர்த கலசம்:-

தேவையானவை:- பச்சரிசி மாவு – 2 கப், மிளகு – 2 டீஸ்பூன், வெல்லம் – ஒரு கப், சீரகம் – கால் டீஸ்பூன், நெய் – கால்கப்.

செய்முறை:- வெல்லத்தை இளம் பாகு வைத்து சீரகம்,மிளகை ஒன்றிரண்டாகப் பொடித்துப் போடவும். நெய்யைக் காய்ச்சி ஊற்றி பச்சரிசி மாவைப் போட்டு நன்கு கலக்கவும். சிறிதுநேரம் ஊறியவுடன் சிறு டம்ளர்களில் நெய் தடவி மாவை நிரப்பி வேகவைத்து எடுத்து நிவேதிக்கவும்.

வெள்ளி, 27 ஜனவரி, 2017

இருபருப்பு வடை. - DHAL VADA.

இருபருப்பு வடை.

தேவையானவை:- கடலைப்பருப்பு – 1 கப், வெள்ளை உருண்டை உளுந்தம் பருப்பு -1 கப், பச்சைமிளகாய் – 2, வரமிளகாய்- 2, கருவேப்பிலை, கொத்துமல்லி – தலா ஒரு கைப்பிடி, உப்பு – அரை டீஸ்பூன். எண்ணெய்- பொரிக்கத் தேவையான அளவு.

செய்முறை:- கடலைப்பருப்பையும் உளுந்தம் பருப்பையும் தனித்தனியாக ஊறவைக்கவும். ஊறியதும் மிக்ஸியில் பச்சைமிளகாய், வரமிளகாயை உப்பு சேர்த்து அரைத்து உளுந்தையும் கடலைப்பருப்பையும் போட்டு ஒன்றிரண்டாக அரைத்து எடுக்கவும். அதில் கருவேப்பிலை கொத்துமல்லியைப் பொடியாக அரிந்து போட்டு இளக்கமாகத் தட்டி எண்ணெயைக் காயவைத்துப் பொரித்தெடுத்து நிவேதிக்கவும்.

செவ்வாய், 24 ஜனவரி, 2017

சீரகசம்பா கல்கண்டுப் பொங்கல் - SEERAGASAMBA KALKANDU PONGAL.

சிவன்


சீரகசம்பா கல்கண்டுப் பொங்கல்.

தேவையானவை:- சீரகச் சம்பா அரிசி – 1 கப். பால் – 1 கப், கல்கண்டு – முக்கால் கப், நெய்- அரை கப், ஏலத்தூள் – 1 சிட்டிகை, முந்திரி கிஸ்மிஸ் – தலா 20.

செய்முறை:- சீரகச்சம்பா அரிசியைக் களைந்து சிறிது நெய்யில் வறுத்து ஒரு கப் பால், ஒரு கப் தண்ணீர் சேர்த்துக் குக்கரில் வேகவிடவும். இறக்கி நன்கு மசித்து கற்கண்டைப் பொடியாக்கிச் சேர்க்கவும். கரைந்ததும் அடுப்பில் இருந்து இறக்கி ஏலத்தூள் போட்டு மிச்ச நெய்யில் முந்திரி கிஸ்மிஸை பொரித்துப் போட்டு நிவேதிக்கவும்.

அவல் புரத போகா- FLATTENED RICE POHA

அவல் புரத போகா:-

செய்முறை:- அவல் – 2 கப், கடலைப்பருப்பு – 1 டேபிள்பூன், வேர்க்கடலை – 1 டேபிள் ஸ்பூன், பச்சை மிளகாய் – 3, ஜவ்வரிசி- 1 டேபிள் ஸ்பூன், கருவேப்பிலை – ஒரு கைப்பிடி, உப்பு – கால் டீஸ்பூன், கடுகு – அரை டீஸ்பூன், உளுந்து- 2 டீஸ்பூன், சீரகம் – கால் டீஸ்பூன், மஞ்சள் தூள் – 1 சிட்டிகை, கொப்பரைத் துருவல் – 2 டீஸ்பூன், சீனி – கால் டீஸ்பூன். எண்ணெய்- 3 டீஸ்பூன்.

செய்முறை:- எண்ணெயைக் காயவைத்துக் கடுகு, உளுந்து, கடலைப்பருப்பு, வேர்க்கடலை தாளிக்கவும். இது சிவந்ததும் ஜவ்வரிசியைப் போட்டுப் பொரிந்ததும், வட்ட வட்டமாக நறுக்கிய பச்சைமிளகாயைச் சேர்க்கவும், கருவேப்பிலையைப் போட்டு சீனி உப்பைச் சேர்த்து கொப்பரைத் துருவல், அவலைச் சேர்த்துப் புரட்டவும். நன்கு புரட்டி இறக்கி நிவேதிக்கவும்.

திங்கள், 23 ஜனவரி, 2017

தினை சப்போட்டா பாயாசம்- MILLET SUPPOTTA GHEER,

முருகன்

தினை சப்போட்டா பாயாசம் :-

தேவையானவை:- தினை – 1 கப், பால் அரை – லிட்டர், சப்போட்டா – 2, சர்க்கரை – அரை கப், ஏலத்தூள் – 1 சிட்டிகை, நெய் – 2 டீஸ்பூன், பாதாம் , முந்திரி, கிஸ்மிஸ் – தலா 6

செய்முறை:- தினையை லேசாக வறுத்து மிக்ஸியில் பொடிக்கவும். பாலைக் காய்ச்சவும். இதில் சிறிது எடுத்து ஆறவைக்கவும். சப்போட்டாவைத் தோலுரித்து கையால் மசித்து இந்தப்பாலில் சேர்க்கவும். மீதிப் பாலில் தினை மாவைப் போட்டு நன்கு கிளறி கொதிக்க விடவும். இரண்டு கொதி வந்ததும் சர்க்கரை சேர்த்துக் கரைந்ததும் இறக்கி ஆறவிடவும். நெய்யில் குச்சியாக நறுக்கிய பாதாம் முந்திரி கிஸ்மிஸைப் பொரித்துப் போடவும். ஆறியபின் இதில் சப்போட்டா கரைத்த பாலை ஊற்றி ஏலப்பொடி போட்டு நன்கு கிளறி நிவேதிக்கவும்.

சனி, 21 ஜனவரி, 2017

பச்சைப் பயறு அடை:- GREENGRAM ADAI.

பச்சைப் பயறு அடை:-

தேவையானவை:- பச்சரிசி – 2 கப், பாசிப்பயறு – 1 கப், பச்சை மிளகாய்- 2, இஞ்சி – 1 இன்ச் துண்டு, கொத்துமல்லி – 1 கைப்பிடி, தேங்காய்த் துருவல், காரட் துருவல் – தலா 1 டேபிள் ஸ்பூன், உப்பு- அரை டீஸ்பூன், எண்ணெய்- 50 மில்லிகிராம்.

செய்முறை:- பச்சரிசியையும் பாசிப்பயறையும் தனித்தனியாக ஊறவைக்கவும். ( பாசிப்பயறை முளை கட்டியும் உபயோகிக்கலாம். ). பச்சை மிளகாய், உப்பு, இஞ்சி, கொத்துமல்லித் தழை சேர்த்து கொரகொரப்பாக அரைக்கவும். இதில் தேங்காய், காரட் துருவல் சேர்த்து சிறிது நேரம் வைக்கவும். தோசைக்கல்லில் அடையாகத் தட்டி எண்ணெய் விட்டுத் திருப்பிப் போட்டு மொறுமொறுப்பானதும் எடுத்து நிவேதிக்கவும்.

வெள்ளி, 20 ஜனவரி, 2017

வரகரிசி வெல்லக் கொழுக்கட்டை - MILLET JAGGERY KOZHUKKATTAI.

1.விநாயகர்

வரகரிசி வெல்லக் கொழுக்கட்டை

தேவையானவை:- வரகரிசி – 2 கப், பாசிப்பருப்பு – 1 கைப்பிடி, வெல்லம் – முக்கால் கப், தேங்காய்த்துருவல் – 1 டேபிள் ஸ்பூன், ஏலத்தூள் – 1 சிட்டிகை. உப்பு - 1 சிட்டிகை, நெய் – 2 டீஸ்பூன்.

செய்முறை:- வரகரிசியையும் பாசிப்பருப்பையும் லேசாக வறுத்துக் களைந்து காயவைத்து கொழுக்கட்டை மாவு பதத்தில் பொடித்து வைக்கவும். வெல்லத்தில் ஒன்றரை கப் தண்ணீர் ஊற்றிப் பாகுவைத்து வடிகட்டி மாவில் சேர்த்து தேங்காய்த்துருவல் போடவும். உப்பும், ஏலத்தூளும் போட்டு சிறிது நேரம் மூடிவைக்கவும். ஆறியதும் நெய் சேர்த்து நன்கு பிசைந்து இட்லிப் பாத்திரத்தில் ஆவியில் 20 நிமிடம் வேகவைத்து நிவேதிக்கவும்.

அஞ்சீர் நட்ஸ் அல்வா ( அத்திப்பழ அல்வா) FIGS NUTS HALWA

அஞ்சீர் நட்ஸ் அல்வா ( அத்திப்பழ அல்வா )

தேவையானவை:- காய்ந்த அத்திப்பழம் – பதினைந்து , நெய் – கால் கப்,, பாதாம் + முந்திரி  – ஊறவைத்து தோலுரித்து பொடித்தது – அரை கப், சர்க்கரை – முக்கால் கப் , பால்பவுடர் – முக்கால் கப் , ஏலப்பொடி – கால் டீஸ்பூன், அலங்கரிக்க குச்சியாக நறுக்கப்பட்ட பாதாம் – 1 டேபிள் ஸ்பூன்.

வியாழன், 19 ஜனவரி, 2017

ஓட்ஸ் ஹனி பர்ஃபி. OATS HONEY BURFI.

ஓட்ஸ் ஹனி பர்ஃபி.

தேவையானவை :-
முழு ஓட்ஸ் – 4 கப், முந்திரி பாதாம் வேர்க்கடலை – தலா 10 ( வறுத்துத் தோல் நீக்கியது.) நெய் – 1 டேபிள்ஸ்பூன், அரிசி மாவு – 1 டேபிள் ஸ்பூன், உப்பு – 1 சிட்டிகை, ப்ரவுன் சுகர்/நாட்டுச் சர்க்கரை – 3 கப். தேன் – 2 டேபிள்ஸ்பூன்.

புதன், 18 ஜனவரி, 2017

கார்த்திகை தீபம் ரெசிப்பீஸ், KARTHIGAI DEEPAM RECIPES.

கார்த்திகை தீபம் ரெசிப்பீஸ் 

1. தேன் மிட்டாய்
2. மிக்ஸ்ட் வெல்லப் பொரி
3. தினைக் கொழுக்கட்டை
4. காய்கறிப் பொரி
5. மைதா ஸ்கொயர்ஸ்
6. கோதுமை மாவு சுருள் முறுக்கு
7. பூந்தி அச்சு மிட்டாய்
8. நட்ஸ் சிக்கி
9.பால் பொங்கல்
10. சேமியா பழப்பாயாசம்.

1.தேன் மிட்டாய்:-

குழலப்பம்- KUZHALAPPAM

குழலப்பம்:-

தேவையானவை:- அரிசி மாவு – 1கப், சின்னவெங்காயம் – 3, பூண்டுப் பல் – 1, சீரகம் – அரை டீஸ்பூன், கறுப்பு எள்ளு – 1 டீஸ்பூன், உப்பு – கால் டீஸ்பூன், தண்ணீர் – கால் கப் + 1 டேபிள்ஸ்பூன், எண்ணெய் – பொறிக்கத் தேவையான அளவு. சில்வர் குழல்கள் – 4

செய்முறை:- சீரகம், சின்னவெங்காயம், பூண்டு இவற்றை மிக்ஸியில் போட்டு ஒரு டேபிள் ஸ்பூன் தண்ணீர் சேர்த்து கொரகொரப்பாக அரைக்கவும். ஒரு பானில் கால் கப் தண்ணீரை உப்பு சேர்த்துக் கொதிக்கவைத்து இறக்கி வைக்கவும். ஒரு பௌலில் அரிசி மாவு , எள், அரைத்த சீரகக் கலவை போட்டு நன்கு கலந்து கொதிக்க வைத்த நீரை சிறிது சிறிதாகச் சேர்த்து கெட்டியாகப் பிசைந்து ஈரத்துணி கொண்டு மூடி பத்து நிமிடம் வைக்கவும். ஒரு பானில் எண்ணெயைக் காயவைக்கவும். ஒரு ப்ளாஸ்டிக் ஷீட்டில் எலுமிச்சை அளவு மாவை எடுத்து வட்டமாகத் தட்டி சில்வர் குழலில் சுற்றி ஒட்டி அதைக் காயும் எண்ணெயில் மெதுவாக விடவும். இதுபோல பானின் சைஸுக்கு ஏற்றவாறு மூன்று நான்கு சில்வர் குழல்களில் மாவை ஒட்டிப் போடலாம். எல்லாப் பக்கமும் திருப்பிவிட்டுப் பொன்னிறமாகப் பொரித்தெடுக்கவும். ஒரு குச்சியால் குழலில் இருந்து எடுத்துப் பரிமாறவும்.

செவ்வாய், 17 ஜனவரி, 2017

சேவ் சோளாஃபலி - SEV CHORAFALI

சேவ் சோளாஃபலி:-

தேவையானவை:- கடலை மாவு – 1 கப், உளுந்து மாவு – கால் கப், பேக்கிங் பவுடர் – 1 சிட்டிகை, எண்ணெய் – 1 டீஸ்பூன் , பொறிக்கத் தேவையான அளவு, உப்பு – அரை டீஸ்பூன், தண்ணீர் – கால் கப், வரமிளகாய்த்தூள் – 2 டீஸ்பூன், கருப்பு உப்பு – 1 டீஸ்பூன், ஆம்சூர் பவுடர் – 2 டீஸ்பூன். சிறு சில்வர் உரல் + உலக்கை செட் – 1

செய்முறை:- கால் கப் தண்ணீரை சுடவைத்து உப்பு எண்ணெய் சேர்த்து கொதிக்க விடவும். கடலை மாவு உளுந்த மாவு பேக்கிங் பவுடர் சேர்த்துக் கலந்து வைக்கவும் இதில் வெதுவெதுப்பான தண்ணீரை ஊற்றிப் பிசைந்து சிறிது நேரம் ஊறவிடவும். இதை உரலில் சிறிது எண்ணெய் சேர்த்து கொஞ்சம் கொஞ்சமாக இடித்து மென்மையாக கலர் வெளிராக மாறும்வரை இடித்து வைக்கவும். பூரியாகத் தேய்த்து செவ்வகமாக ரிப்பன் போல வெட்டி எண்ணெயில் பொரிக்கவும். கறுப்பு உப்பு,  ஆம்சூர் பவுடர், மிளகாய்த்தூளை நன்கு கலந்து இதில் தூவி பரிமாறவும்

ஞாயிறு, 15 ஜனவரி, 2017

சிப்பி சோஹி (உப்பு ) -SIPPI SOHI

சிப்பி சோஹி (உப்பு ) :-


தேவையானவை:- பச்சரிசி மாவு – 2 கப், பொட்டுக்கடலை மாவு – அரை கப், தேங்காய்ப்பால் – ஒன்றரை கப், உப்பு – அரை டீஸ்பூன், சீப்புச் சீடைக் கட்டை – 1. எண்ணெய் – பொரிக்கத் தேவையான அளவு.

செய்முறை:- பச்சரிசி மாவுடன் பொட்டுக்கடலை மாவைக் கலந்து வைக்கவும். தேங்காய்ப்பாலை சூடுபடுத்தி உப்பு சேர்த்து இறக்கவும் மாவில் சிறிது சிறிதாக ஊற்றிப் பிசையவும். சீப்புச்சீடைக் கட்டையில் சிப்பிகளாகத் தட்டி வைக்கவும். எண்ணையைக் காயவைத்து அதில் போடும்போது சிப்பிகளை லேசாக மடக்கிப் போடவும். நன்கு பொறுபொறுவென வெந்ததும் இறக்கவும்.

வியாழன், 12 ஜனவரி, 2017

தினை தேன்குழல் - MILLET THENKUZHAL

தினை தேன்குழல்.:-

தேவையானவை:- தினை மாவு – அரை கப், அரிசி மாவு – அரை கப், பொட்டுக்கடலை மாவு – 2 டேபிள் ஸ்பூன், கடலை மாவு – 1 டேபிள் ஸ்பூன், சீரகம் – 1 டீஸ்பூன், பெருங்காயம் – 1 சிட்டிகை, நெய் – ஒரு டேபிள் ஸ்பூன், உப்பு – அரை டீஸ்பூன், எண்ணெய் – பொரிக்கத் தேவையான அளவு. வெதுவெதுப்பான தண்ணீர் – ஒரு கப்.

செய்முறை:- தினை மாவு, அரிசி மாவு, கடலை மாவு, பொட்டுக்கடலை மாவை ஒரு பௌலில் போட்டு சீரகம், பெருங்காயம் நெய் சேர்த்து நன்கு கலக்கவும். வெதுவெதுப்பான தண்ணீர் தெளித்து மென்மையாகப் பிசையவும். எண்ணெயைக் காயவைத்து மாவைத் தேன்குழல் அச்சில் போட்டுப் பிழிந்து வெள்ளை வெளேரென்று மொறுமொறுப்பானதும் எடுக்கவும்.

புதன், 11 ஜனவரி, 2017

.ரிங் முறுக்கு:- செகோடிலு.- CHEGODILU

.ரிங் முறுக்கு:- செகோடிலு.

தேவையானவை:- அரிசி மாவு – ஒன்றரை கப், தண்ணீர் – ஒன்றரை கப், உளுந்தமாவு – 1 டீஸ்பூன், வெண்ணெய் – 2 டேபிள் ஸ்பூன், பாசிப்பருப்பு – 2 டேபிள் ஸ்பூன், சீரகம் – 1 டீஸ்பூன், எள்ளு – 1 டீஸ்பூன், மிளகாய்த்தூள் – ஒரு டீஸ்பூன், பெருங்காயம் – கால் டீஸ்பூன், எண்ணெய் – பொரிக்கத் தேவையான அளவு.

செய்முறை:- பாசிப்பருப்பை 15 நிமிடம் தண்ணீரில் ஊறப்போடவும். ஒரு பௌலில் அரிசிமாவையும் உளுந்தமாவையும் போடவும். ஒரு பானில் ஒன்றரை கப் நீரைக் கொதிக்கவைத்து அதில் உப்பு, வெண்ணெய், பாசிப்பருப்பைப் போடவும். தண்ணீர் கொதிக்க ஆரம்பித்ததும் மாவைச் சிறிது சிறிதாகத் தூவியபடி கலந்து நன்கு சேர்ந்ததும் அடுப்பை அணைக்கவும்.மாவு ஆறியதும் அதில் சீரகம், எள்ளு, மிளகாய்த்தூள், பெருங்காயம் போட்டுத் திரும்பப் பிசையவும். பத்து நிமிடம் ஊறவிடவும். நெல்லிக்காய் அளவு மாவு எடுத்து திரி போல் உருட்டி இரண்டு முனைகளையும் ஒட்டி சின்ன வளையல் போல செய்து கொள்ளவும். எண்ணெயைக் காயவைத்துக் கொஞ்சம் கொஞ்சமாகப் போட்டுப் பொரித்தெடுக்கவும்.

கட்டா மீட்டா நம்கின்- KHATTA MEETHA NAMKEEN

கட்டா மீட்டா நம்கின் :-

தேவையானவை:-அவல்- இரண்டு கப், சாட் மசாலா – 1 டீஸ்பூன், எண்ணெய் – 1 டேபிள் ஸ்பூன், பெருங்காயம் – 1 சிட்டிகை, கடுகு – 1 டீஸ்பூன், பச்சை மிளகாய்- 5, கருவேப்பிலை – 10 இணுக்கு, குச்சியாகக் கீறிய தேங்காய் – கால் கப், வேர்க்கடலை, பொட்டுக்கடலை – தலா அரை கப், பொடித்த சர்க்கரை – 1 டீஸ்பூன், மஞ்சள் தூள் – 1 சிட்டிகை, உப்பு – கால் டீஸ்பூன்.

செய்முறை:- ஒரு பானில் எண்ணெயைக் காயவைத்துக் கடுகு, பெருங்காயம் பச்சை மிளகாய் கருவேப்பிலை தேங்காய் போட்டு நன்கு வதக்கவும். இதில் மஞ்சள் பொடி போட்டு வேர்க்கடலை பொட்டுக் கடலையைச் சேர்க்கவும். உப்பையும் அவலையும் சேர்த்து நன்கு கிளறி இறக்கும்போது சாட் மசாலாவும் பொடித்த சர்க்கரையையும் தூவி இறக்கவும்.

செவ்வாய், 10 ஜனவரி, 2017

ஆலு புஜியா - ALOO BHUJIYA

ஆலு புஜியா :-


தேவையானவை:- உருளைக்கிழங்கு – 3 வேகவைத்து உரித்து மசித்தது. கடலை மாவு – அரை கப், உப்பு, மிளகாய்த்தூள் – தலா அரை டீஸ்பூன், பெருங்காயம் – 1 சிட்டிகை, எலுமிச்சை சாறு – அரை டீஸ்பூன், மஞ்சள்தூள் – கால் டீஸ்பூன், எண்ணெய் – பொரிக்கத் தேவையான அளவு.

செய்முறை:- உருளைக்கிழங்குடன் கடலை மாவு உப்பு மிளகாய்த்தூள் மஞ்சள்தூள், எலுமிச்சை சாறு சேர்த்து நன்கு மென்மையாகப் பிசையவும். எண்ணெயை மிதமாகக் காயவைக்கவும். ஓமப்பொடி அச்சில் எண்ணெய் தடவி மாவைப் போட்டு வட்டமாகப் பிழிந்து மஞ்சள் கலரிலேயே வேகவைத்து எடுத்து வைத்து லேசாக நொறுக்கி விடவும்.

திங்கள், 9 ஜனவரி, 2017

மிக்ஸ்ட் வெஜ் முதியா, MIXED VEG MUTHIYA

மிக்ஸ்ட் வெஜ் முதியா :-

தேவையானவை:- முட்டைக்கோஸ், காரட், பாலக், பெரியவெங்காயம் – தலா கால் கப், சுரைக்காய் துருவியது -1 கப், கோதுமை மாவு ஒன்றரை கப்,கடலை மாவு – அரை கப், உப்பு – அரை டீஸ்பூன், சர்க்கரை – ஒன்றரை டீஸ்பூன், மஞ்சள்தூள் – 1 சிட்டிகை, இஞ்சி பூண்டு பேஸ்ட் – 2 டீஸ்பூன், பச்சை மிளகாய் – 2 பொடியாக அரிந்தது, எலுமிச்சை சாறு – 1 டேபிள் ஸ்பூன், கொத்துமல்லித்தழை – 1 கைப்பிடி பொடியாக அரிந்தது.எண்ணெய் – 2 டீஸ்பூன், கடுகு , எள்ளு – தலா ஒரு டீஸ்பூன்.

செய்முறை:- சுரைக்காயைப் பிழிந்து போட்டு காய்கறி கீரை, வெங்காயம் பச்சை மிளகாய் கடலை மாவு, கோதுமை மாவு உப்பு சீனி, மஞ்சள்தூள், இஞ்சி பூண்டு பேஸ்ட், எலுமிச்சை சாறு கலந்து நன்கு பிசைந்து நீளமாக உருட்டி ஆவியில் ஒரு மணி நேரம் வேகவைக்கவும். ஆறியதும் ஒரு இஞ்ச் துண்டுகளாக வட்ட வட்டமாக வெட்டவும். எண்ணெயைக் காயவைத்துக் கடுகு, எள்ளு தாளித்து இந்த முதியாக்களைப் போட்டுக் கலக்கிவிடவும்.

ஞாயிறு, 8 ஜனவரி, 2017

டிக்கா கதியா - TIKHA GATHIYA

டிக்கா கதியா

தேவையானவை:- கடலை மாவு – ஒன்றரை கப், ஓமம் – 1 டீஸ்பூன், மிளகாய்த்தூள் – ஒரு டீஸ்பூன், மஞ்சள்தூள் கால் டீஸ்பூன், மிளகுத்தூள் – கால் டீஸ்பூன், சமையல் சோடா- ஒரு சிட்டிகை, உப்பு – அரை டீஸ்பூன், எண்ணெய் – பொரிக்கத் தேவையான அளவு, தண்ணீர் – கால் கப்.

செய்முறை:- கடலை மாவில் ஓமம்,மிளகாய்த்தூள், மஞ்சள்தூள், மிளகுத்தூள், சமையல் சோடா உப்பு ஒரு டீஸ்பூன் எண்ணெய் போட்டு நன்கு கலக்கவும். இதில் தண்ணீரைத் தெளித்துப் பிசையவும். சிறிது எண்ணெய் தொட்டு நன்கு பிசைந்து வைக்கவும். மகிழம்பூ அச்சில் போட்டு எண்ணெயைக் காயவைத்துப் பிழிந்து பொன்னிறமாகப் பொரித்தெடுத்து லேசாக உடைத்து வைக்கவும்.

வியாழன், 5 ஜனவரி, 2017

மாத்ரி - MATHRI

மாத்ரி :-


தேவையானவை:- ஆட்டா – 1 கப், மைதா – 1 கப், பேக்கிங் சோடா – 1 சிட்டிகை, உப்பு – 2 டீஸ்பூன், மிளகு – அரை டீஸ்பூன், தயிர் – 2 டேபிள் ஸ்பூன், வெந்நீர் – 8 டேபிள் ஸ்பூன், நெய் – உருக்கியது 5 டேபிள் ஸ்பூன், எண்ணெய் – பொரிக்கத் தேவையான அளவு.

செய்முறை;- மிளகை ஒன்றிரண்டாகப் பொடித்து ஒரு பௌலில் போடவும்.அதில் உப்பு, ஆட்டா, மைதா, பேக்கிங் சோடா, நெய் போட்டு நன்கு கலக்கவும். தயிரையும் சேர்த்து நன்கு கலக்கி வெந்நீரை சிறிது சிறிதாக ஊற்றி கெட்டியாகப் பிசையவும். 30 நிமிடம் ஊறவிடவும். எண்ணெயைக் காயவைத்து எலுமிச்சை அளவு உருண்டைகள் எடுத்து கனமான தட்டைகளாகத் தட்டி ஒரு ஃபோர்க்கால் குத்தி எண்ணெயில் பொன்னிறமாகப் பொரித்தெடுக்கவும்.

புதன், 4 ஜனவரி, 2017

சீஸ் வெஜ் பால்ஸ் - CHEESE VEG BALLS.

சீஸ் வெஜ் பால்ஸ்:-


தேவையானவை:- மைதா – ஒரு கப் , சீஸ் ஸ்ப்ரெட் – 2 டேபிள் ஸ்பூன், உருளை – 2, காரட்- 1, காலிஃப்ளவர் – 6 பூ, பச்சைப் பட்டாணி – ஒரு கைப்பிடி, பச்சை மிளகாய் 1, மிளகாய்த்தூள் – அரை டீஸ்பூன், கொத்துமல்லித்தழை – ஒரு கைப்பிடி, உப்பு – அரை டீஸ்பூன், எண்ணெய் – பொறிக்கத் தேவையான அளவு.

செய்முறை:- மைதாவில் சீஸ் ஸ்ப்ரெட், மிளகாய்த்தூள், உப்பு சேர்த்துக் கலக்கவும். இதில் அவித்த உருளைக்கிழங்கு, அவித்த பச்சைப்பட்டாணி, துருவிய காலிஃப்ளவர், துருவிய கேரட், பொடியாக அரிந்த பச்சை மிளகாய், பொடியாக அரிந்த கொத்துமல்லித் தழை போட்டு நன்கு பிசையவும். உருண்டைகளாக உருட்டி எண்ணெயைக் காயவைத்துப் பொன்னிறமாகப் பொரித்தெடுக்கவும்.

செவ்வாய், 3 ஜனவரி, 2017

மல் பூரி. MALPURI.

மல் பூரி :-

தேவையானவை:- மைதா – 2 கப், அரிசி மாவு – கால் கப், தயிர் – 1 கப், கேசரித்தூள் – ஒரு சிட்டிகை, சர்க்கரை – இரண்டரை கப், பேக்கிங் பவுடர் – 1 சிட்டிகை, நெய் – பொரிக்கத் தேவையான அளவு, பாதாம் முந்திரி, பிஸ்தா – ஒரு டேபிள் ஸ்பூன் பொடித்தது.

செய்முறை:- மைதாவையும் அரிசிமாவையும் கலந்து பேக்கிங் பவுடர் போட்டு சலிக்கவும். இதில் தண்ணீர் ஊற்றிக் கட்டியில்லாமல் தோசை மாவு பதத்துக்குக் கரைக்கவும். சர்க்கரையைப் பாகு வைத்துக் கேசரித்தூளைச் சேர்க்கவும். நெய்யைக் காயவைத்து பணியாரங்களாக ஊற்றி அதைச் சீனிப்பாகில்  போடவும். நன்கு ஊறியதும் எடுத்து அதன் நடுவில் கால் டீஸ்பூன் முந்திரி பாதாம் பிஸ்தா பொடித்ததைச் சேர்க்கவும்.
Related Posts Plugin for WordPress, Blogger...